صلاة الشموع
-------------------
لاتغيب متل الضي ع ثاني دني
اتركني ولاونو بالحلم ابقى معك
واحكي معي تانعيد عمر الولدنه
شو قيمتو عمري اذا ما بسمعك
احسبني متل زهره على ضفة غدير
وكون النحل لَصوبها رفرف وطير
بلكي بضمك قبل ما يطير العبير
وتضحك الدنيا وغصن عمر ينحني
بقعد بصلي متل شمعه كل يوم
وبلوم حالي وانت ما في عليك لوم
ان حطوا الدني في كوم وعيونك بكوم
ما ببدلُن وبقول ما بدي الدني
-----------------------------------
بقلمي راضي مشيلح
ليست هناك تعليقات:
إرسال تعليق