انا اللي الدنيا واخدني
وباعت واشترت فيه
وقسوتها كوت قلبي
ودابت م البكا عنيه
غرقت ف بحر م الاحزان
وعديته بمعدية
وف الاخر انا الغلطان
وانا اللي جبته بادية
وانا اللي كنت شاريكوا
وكنتوا اغلى ماليه
وف الاخر نسيتوني
قلوبكوا كلها اسية
ومين فيكوا سال عني
ماشفتش منكوا حنية
وعايزني انا اللي اسال
وعايزين المدادية
ااااااااااااا
نسيتوا العشرة فوتوني
زرعتوا الحزن ف عيوني
نسيت نفسي علشانكوا
وف الاخر تبيعوني
وانا اللي شربت ف مراركوا
وكل الخلق لاموني
حادوس على قلبي باديه
ياريت بالمرة تنسوني
وحارجع تاني وحادور
على غيركوا يحبوني
اااااااااااااااا
انا الذنب كان ذنبي
عشان سلمت م الاول
رميت نفسي ف احضانكوا
وكنت ف حبي باتسول
انا اخلصت ف حبي
قلوبكوا ليه بتتحول
مدام على هجري
ماكنتوا م الاول
وكنا نهينا حكايتنا
بدال الوقت مايطول
اااااااااااااااا
جبريل رضوان
ليست هناك تعليقات:
إرسال تعليق