يامغروره
ياسارقه كل احلامى ولا حبى على بالك
ولا انتى سامعه لكلامى وانا باشفق على حالك
ده حبك سر الهامى وادوب فى رن خلخالك
ولا تردى على سلامى وقلبى يدوب فى موالك
ونظراتك نيران قايده بنحرق قلبى بقساوه
باغازلك بس بلا فايده كفاكى غرور مع شقاوه
اقرب لك ليه مش رايده ؟؟ وكيف ياجرحى تتداوى
كفايه عناد كفى مكايده احس بروحى تتهاوى
واقول يمكن غرورها يروح ونار العشق تكويها
وترجع لمشاعرى الروح ولجروحى تداويها
غرورها معاها فين ماتروح اخاف لاغرورها يفنيها
وتركت لى الفؤاد مجروح وتاه عقلى فى اراضيها
غرور وعناد ده غير مسموح واقول يارب اهديها
شعر احمد اسماعيل \شاعر العرب
ليست هناك تعليقات:
إرسال تعليق